CHEGOU UN DOS DÍAS MÁIS ESPERADOS: A FESTA DA AUGA!

Os nenos e nenas de 4 anos vivimos unha xornada inesquecible chea de xogos, risas e moita diversión. Dende primeira hora, o sol acompañounos e puxemos toda a nosa ilusión para gozar ao máximo deste día tan especial.

Ao longo da mañá desfrutamos de diferentes propostas: fixemos transvases de auga, perseguimos e explotamos pompas de xabón, pescamos no mítico xogo dos parrulos e ata xogamos con globos de auga. Entre salpicaduras e moitas risas, compartimos momentos moi especiais cos nosos compañeiros e compañeiras. A auga converteuse na protagonista dun día cheo de emocións e alegría que gardaremos con moito cariño na nosa memoria. 

Sen dúbida, unha experiencia fantástica para despedir o curso da mellor maneira posible e dar a benvida a unhas merecidas vacacións.