RESULTADOS PAU 2025-2026

Exames, recuperacións, parciais, fase xeral, fase específica, ¿Historia de España ou Historia da Filosofía?, PAU, Selectividade, Medicina, Dereito, dobres graos... Son palabras que acompañaron ao noso alumnado durante todo o curso e que, desde setembro, marcaron o día a día dunha promoción que traballou con esforzo, constancia e dedicación para acadar os seus obxectivos.

Tras máis de oito meses de estudo e preparación, chegou o momento de enfrontarse a esa proba tan esixente e agardada: as Probas de Acceso á Universidade. Un reto que tamén lembran moitos pais, nais e profesores, e que supón o derradeiro paso antes de iniciar unha nova etapa académica.

Hoxe podemos celebrar uns resultados extraordinarios. La Salle Santiago presentou 123 estudantes ás PAU (90% dos alumnos matriculados) e acadou un 100 % de aprobados. Os 123 alumnos e alumnas que se
presentaron ás probas superáronas con éxito, culminando así unha etapa de intenso traballo e dedicación.

Este resultado é froito do compromiso do noso alumnado, do acompañamento das súas familias e do labor de todo o equipo docente, que os guiou e apoiou ao longo destes anos. Desde La Salle Santiago queremos felicitar a toda a promoción por este magnífico logro e desexarlle moito éxito no camiño que agora comeza na Universidade.