Parabéns para os nosos pequenos artistas!

A delegación de Manos Unidas de Santiago de Compostela organizou un concurso de tarxetas de Nadal chamado: “Nadal solidario de Manos Unidas”.

O alumnado do colexio La Salle acolleu con moita motivación a proposta de participar no concurso. Se algo xa sabiamos  era que as nosas nenas e nenos teñen moita creatividade e así o demostraron nas tarxetas de Nadal que elaboraron.

Temos a sorte de poder felicitar a Enzo Couso de 1º de Primaria, xa que gañou o primeiro premio da primeira categoría, onde participan nenos e nenas de 1º, 2º e 3º de Primaria. Tamén queremos destacar que Rodrigo Gómez de 5º de Primaria obtivo unha mención especial polo seu traballo presentado. As tarxetas dos participantes tiveron o luxo de estar expostas durante o Nadal  na Biblioteca Pública de Ánxel Casal.

O profesorado do colexio síntese moi orgulloso do talento do seu alumnado. Pero, sobre todo, valoramos as ganas e o entusiasmo co que as nenas e nenos participan en tódalas iniciativas que se lles ofrecen!