Creatividade ao poder!

Estas semanas, no colexio La Salle, estamos a vivir a preparación do Nadal nas nosas aulas. Unha fermosa época, na que as nenas e os nenos están cheos de ledicia e ilusión.

O profesorado e o alumnado de primaria continuamos a traballar con moito afán cos proxectos NCA. As nenas e os nenos móstranse moi motivados, xa que teñen a oportunidade de ser os protagonistas reais da súa aprendizaxe. Nos seminarios adquiren os conceptos necesarios para, a continuación, poder traballalos e interiorizalos a través de atractivos proxectos.

Neste caso, o alumnado de 5º de primaria estivo a traballar o proxecto número tres do trimestre, chamado “Ilumina vida”. Este proxecto consistiu, principalmente, no traballo con circuítos eléctricos que os nenos e nenas decidiron aproveitar para crear os seus adornos de Nadal. Todos nos quedamos abraiados ao ver iluminadas as nosas fabulosas creacións.

Como nos gusta crear e aplicar o que aprendemos á nosa realidade. E, ademais, se o produto final que obtemos nos serve para adornar as nosas aulas nesta bonita época, mellor!