VISITA DOS BOMBEIROS FORESTAIS

Hoxe o alumnado de Educación Infantil viviu unha mañá inesquecible! Tivemos a visita dos axentes e bombeiros forestais.🚒🌳

Coñecemos de preto o seu importante labor e descubrimos algunhas das ferramentas que empregan no monte: o dron, o camión motobomba, as mangueiras e o traxe antilume. Ademais, puidemos subir ao camión, activar a serea e incluso lanzar auga coa mangueira, sentíndonos por un intre auténticos bombeiros e bombeiras forestais! Foi unha experiencia moi enriquecedora, divertida e chea de aprendizaxes, que nos axudou a comprender mellor a importancia de coidar e protexer os nosos montes.

Moitas grazas á brigada forestal por compartir connosco esta xornada tan especial!