#AQUÍTAMÉNSEFALA

O alumnado de primaria está inmerso nunha marabillosa campaña para potenciar o uso da lingua galega!

A campaña de #aquítaménsefala é a maior campaña de dinamización da lingua galega exercida activamente pola mocidade estudantil, con accións directas na contorna inmediata do propio alumnado.

Xa van máis de 50.000 espazos que colocaron o distintivo de #aquítaménsefalagalego. E seguimos sumando!

As nenas e nenos do noso colexio están saíndo á rúa para colaborar e promover o uso da nosa lingua cunha acollida xenial por parte do comercio local dos arredores do noso colexio.

E facémolo porque si. Porque queremos rachar cos prexuízos que pretenden dar unha imaxe distorsionada dunha suposta Galiza que non fala o seu idioma propio.

Nas redes. Nos barrios. Nas casas. Cos colegas. Con quen sexa. Onde sexa. Aquí tamén se fala!