Un calcetín cheo de sorpresas!

Internivel de Expresión Oral e Comunicación en Castelán

Con moita ilusión iniciamos este trimestre unha experiencia que espertou a creatividade, a imaxinación e a tenrura nas nosas aulas de Infantil. A través do xogo con marionetas, os nenos e nenas de 3, 4 e 5 anos descubriron que un sinxelo calcetín pode transformarse… ¡nun novo amigo con nome propio e unha historia que contar!

Cada neno deu vida á súa marioneta, elixindo as cores, a voz, os gustos persoais e mesmo as emocións. Así, o que ao principio parecía só unha manualidade, converteuse nun auténtico exercicio de expresión oral, de empatía e de xogo simbólico. Porque cando fala unha marioneta, tamén fala quen a crea: coas súas palabras, os seus medos, as súas ideas e a súa maneira de mirar o mundo.

Este traballo, dentro do internivel de Castelán, permitiu enriquecer aínda máis a experiencia: os pequenos aprenden observando e escoitando aos maiores, e os maiores convértense en guías atentos e orgullosos. Entre todos constrúen relatos, escóitanse, respéctanse… e rin xuntos. A linguaxe convértese así en ponte e en aperta.