![](https://web.lasallesantiago.gal/wp-content/uploads/2023/03/Foto-2-5.jpg)
Visita á Biblioteca Pública de Ánxel Casal!
Onte, o alumnado de 3º de primaria puido realizar unha fantástica visita á Biblioteca Pública de Ánxel Casal.
Que emocionados estaban os nenos e nenas coa saída cultural que puideron desfrutar onte. Durante a mañá, o alumnado saíu do colexio para visitar e coñecer a biblioteca e todos os seus espazos. Puideron recorrer os diferentes andares e as distintas salas da biblioteca, cada unha moi especial e chea de curiosidades.
O persoal do recinto sorprendeunos coa lectura dunha fermosa historia. Ademais, as nenas e nenos aprenderon a buscar libros no catálogo e a entender a lóxica coa que están colocados nos estantes. Tamén aprenderon como deben facer para levar un libro á casa e como devolvelo chegado o momento.
Tanto as profesoras como o alumnado sentímonos moi agradecidas pola oportunidade e agardamos volver pronto!
![](https://web.lasallesantiago.gal/wp-content/uploads/2023/03/Foto-1-5.jpg)
![](https://web.lasallesantiago.gal/wp-content/uploads/2023/03/Foto-3-4.jpg)
![](https://web.lasallesantiago.gal/wp-content/uploads/2023/03/Foto-4-3.jpg)