Aqualoxía de Viaqua para os alumnos de 3.º de Ed. Primaria

O alumnado de 3.º de Educación Primaria participou na proposta de Aqualoxía de Viaqua.

Esta experiencia desenvolveuse en dúas fases: unha primeira parte no centro de experimentación de laboratorio para fortalecer a sensibilización ante o traballo de tratamentos de augas e depuración, e unha segunda que consistiu na visita ás instalación da ETAP (Estación de Tratamento de Auga Potable do polígono do Tambre) e a EDAR (Estación depuradora de augas residuais) de Aríns.

Estas visitas servíronnos para coñecermos e concienciármonos da importancia da auga e do medio ambiente así como do ciclo urbano da mesma.

Para rematar a visita agasalláronnos cunha botella metálica reutilizable e uns caramelos.