Unha viaxe chea de descubrimentos

“Cómpre viaxar para aprender”
Mark Twain

A ansia de explorar e o desexo de descubrir o mundo constitúen a esencia mesma do ser humano.

Ai! Dende ben pequeniños sentimos a necesidade de “posuír o mundo”.

O primeiro chanzo para acadalo é descubrilo, sorprendernos coas pequenas cousas, marabillarse deses inmensos tesouros aos ollos de neno.

O esperado día da excursión é, para os nenos e nenas de Infantil, unha desas ocasións máxicas, cheas de posibilidades e experiencias que os atrapan nun mundo diferente que os axuda a enriquecer o propio e, por riba de todo, a perder o medo ao descoñecido.