Torneo “Masdebate”

Os días 27, 28 e 29 de marzo, acompañados pola profesora María Chao, un grupo de catro alumnos de primeiro de bacharelato participaron en Lugo na actividade de debate “Masdebate”.

Ao logo destes días, Gael González, Simón Collantes, Antía Lois e Ainara Rodríguez participaron en seminarios, mesas redondas, concertos e debates. Tiveron un resultado moi positivo chegando a seminfinais do campionato. Unha das habilidades deste formato de debate consiste en que o tema do mesmo non o saben ata quince minutos antes e non poden empregar tecnoloxía para documentarse.

Ademais cómpre felicitar a Gael, que levou o premio ao mellor primeiro refutador. Toda unha experiencia para os nosos debatentes.