MAR DE PALABRAS

“A anduriña veu do mar a voar, a voar

na posada do tellado anda tola a parolar”

FLORENCIO DELGADO

Non son anduriñas que veñen do mar, pero si barcos e peixes que se moven entre as azuis ondas infantís, cargados das nosas palabras galegas favoritas. Chegan a porto para acompañar e enxalzar o fermoso poema que o homenaxeado escritor Florencio Delgado nos legou.

AXÓUXERE, bolboreta, QUÉROTE, anduriña, lúa, carantoña, arrolar, BICO, aperta, …

Palabras nadando no noso particular “MAR DE PALABRAS”,  mural creado polos nenos e nenas de Educación Infantil exposto ao carón do protagonista principal deste ano no 17 de maio, día das nosas Letras Galegas.

Así mesmo, estes días dedicamos unha especial atención a nosa identidade cultural a través do baile, a música e a lingua.