Encontro de formación de profesores novos do primeiro ano

O grupo, integrado por 46 profesores do Sector Valladolid, participou na última xornada formativa do plan de carreira inicial.

O tema central da formación xirou ao redor das diferentes experiencias e realidades de comunidade lasaliana dos centros educativos.

O curso vai tomando a súa recta final e, da mesma maneira, vanse desenvolvendo os diferentes encontros que poñen o broche final do plan formativo do curso. Nesta ocasión, tocoulle a quenda á promoción de terceiro ano de profesores novos, un grupo de 15 docentes de terceiro ano, procedentes dos centros educativos da zona noroeste da Península.

O tema que configurou o fío condutor da xornada foi as comunidades lasalianas, integrando varios espazos de reflexión e traballo ao redor da comunidade educativa, a experiencia comunitaria como docente, a misión compartida e a esencia da comunidade cristiá La Salle no labor social e educativo de cada centro.

O grupo de profesores puxo o peche a un proceso de formación inicial de tres anos, como parte do plan de acollida e adaptación que o Instituto formula para todos os profesionais docentes. O programa terá continuidade en cada centro, adaptado ás necesidades formativas de cada profesor e de cada obra educativa.