Claudia debate na cuna da democracia

Claudia Benito Illobre, alumna de 2º de Bacharelato estivo presente na 7ª sesión Euromediterránea do Modelo de Parlamento Europeo que se celebrou do 8 ao 14 de outubro na illa grega de Zante representando a España.

Despois dos méritos acadados durante o curso pasado, chegoulle a Claudia a hora de viaxar ás illas gregas para representar a España nesta sesión Euromediterránea. Foron días de traballo e debate e, como non, tamén de convivencia cos outros representantes españois e os de outros países europeos.

E, como non lle chegou co vivido en Grecia,  foi chegar a Santiago e subirse xa á mesa da presidencia na xornada do MEP que se celebrou o día 15 no noso colexio.

Parabéns Claudia polo teu bo facer!