Celebración do día de Rosalía

O Colexio La Salle, querendo sumarse á conmemoración do Día de Rosalía, fai partícipe ao alumnado e á comunidade educativa da celebración.

O departamento de Lingua compartiu a primeira hora da mañá con todo o alumnado un poema en  acróstico de lembranza da musa e unha reflexión sobre a importancia da autora. Posteriormente, en cada clase, tamén fixemos actividades de análise da súa obra e de lembranza da súa biografía. Destacamos o papel que desenvolveu na sociedade galega do século XIX, pensando sempre nos máis desfavorecidos, no desexo de facer unha sociedade máis xusta e comprometida con Galicia, coa xente e coa lingua galega. Compartimos co noso alumnado tamén a actividade que promove a Fundación Rosalía.