Carreira virtual Proyde 2022

La Salle Santiago únese a unha nova iniciativa xunto con outros 23 colexios a nivel nacional. Trátase dunha carreira virtual que organiza Proyde que tentará que sumemos quilómetros de solidariedade por aqueles que máis nos precisan.

Como colexio fainos moita ilusión participar nesta iniciativa xa que, cando se xunta o deporte e as boas causas, non podemos dicir que non. Tódolos participantes temos un obxectivo común: seguir apoiando e facendo visibles nas nosas cidades os proxectos educativos para nenas e nenos en risco de exclusión que Proyde está a desenvolver en países en vías de desenvolvemento.

Como podedes participar? Durante a semana do 9 ao 15 de maio sumaremos quilómetros en calquera momento que poidamos. Nenas e nenos, mozos e mozas e adultos estamos convidados a participar neste evento deportivo.

Como temos que apuntarnos? A maneira de apuntarse é moi sinxela: unha inscrición  por corredor con pago telemático na seguinte páxina web:

www.deporticket.com/web-evento/6796-carreras-virtuales-proyde-2022/

A inscrición ten un custo de 7 euros por persoa. Logo de facela recibiremos por correo electrónico un dorsal e o enlace para descargar a aplicación no teléfono e un código para acceder á mesma e ir rexistrando os quilómetros que faremos. Que pasa coas persoas que non teñen teléfono propio? Aquelas persoas que non teñen móbil propio poderán subir as súas distancias no teléfono doutra persoa que teña a aplicación.

Coa inscrición, ademais do dorsal e do código da aplicación, entregaremos a camiseta oficial da carreira. Poderás recollela na recepción do colexio despois de Semana Santa e tres días despois de facer a inscrición. Se non queredes participar na carreira pero queredes colaborar igualmente poderase facer un donativo na mesma web de inscricións a través do “dorsal solidario”.

“Pon o teu corazón en marcha”