Parabéns Martín
- Categorías Actualidade, Bacharelato, Secundaria
- Data Novembro 29, 2025
Sempre é moi grato o poder compartir boas noticias. Hoxe recibimos unha boa noticia para a noso alumno Martín Fraga Gigirey de 1º de Bacharelato, ao ser publicada, por parte da Xunta de Galicia, a resolución dos premios extraordinarios de educación secundaria ao rendemento académico do pasado curso e atoparnos con que Martín aí estaba, entre os 20 premios concedidos.
Non é fácil optar ao premio, xa que o requisito para poder optar é ter unha media de 9 ou máis puntos entre os catro cursos da secundaria e, ademais, realizar un exame xeral de coñecementos da etapa. Martín cumpriu con fartura estes requisitos e de aí o premio logrado.
Felicidades Martín por este logro e tamén por servir de referente aos que veñen por detrás de que, con esforzo e traballo, estes premios pódense conseguir.
Agora xa na etapa de Bacharelato, desexámosche que sigas con éxito a etapa e que poidas optar a poder elixir o que queiras para o teu futuro.

Tamén che pode interesar
Semana dos Dereitos da Infancia
Parabéns, Marta Rego!
