GRACIAS, GRACIÑAS

“Pola familia, a que nos toca e a que se elixe”

Papá ou mamá anónimo/a

Onte tivemos o tan esperado espazo de encontro entre titoras e familias que cada ano marca o pistoletazo de saída ao intercambio educativo escola-familia. E é a partir deste intre, no que nos miramos aos ollos e intercambiamos palabras a viva voz, onde a proximidade educativa faise presente.

Despois dunha motivante e enriquecedora presentación por parte do Irmán director, o presidente do ANPA e a nosa xefa de Estudos Alicia López, quen nos lembrou o gran valor dunha mirada inclusiva, pasamos a compartir propostas e avisos coas titoras de aula.

Quedan na nosa sala de acollida, todos eses agradecementos emocionantes e sinceros que serán un bo inicio de partida cara a todos aqueles que día a día estarán por chegar.