Imos ver insectos!

Os nenos e nenas de 5 anos seguimos o noso percorrido pola natureza, pola man, ou pola ala, da nosa amiga Nina, unha bolboreta monarca, fomos de aventura ao parque de Bonaval.

Nina explicounos que os insectos que atopa na súa viaxe axúdanlle moito, por iso, cunha lupa nas mans, percorremos o parque na procura de distintos insectos: bolboretas, vermes, formigas, abellas, escaravellos, arañas, moscas… infinidade de insectos que nos rodean e nos axudan cada día.