Fase escolar do modelo de Parlamento Europeo

O pasado xoves 4 de novembro celebrouse no colexio La salle a fase escolar do Modelo de Parlamento Europeo, programa educativo que pretende fomentar a cultura de debate parlamentario entre o estudantado. Participaron cincuenta alumnos de 1º de Bacharelato.

O traballo do día foi intenso e produtivo. Pola mañá repartíronse as distintas comisión co obxectivo de alcanzar diversos consensos a través do diálogo. Estas estiveron presididas por aqueles compañeiros de 2º de Bacharelato que foron seleccionados para a fase autonómica, nacional e internacional na edición anterior deste certame. Os temas foron moi actuais: O desafío dos fluxos migratorios; A xornada laboral de 32 horas semanais: retos e beneficios; A desinformación como ataque á democracia ou A nova Bauhaus Europea e os espazos comúns.

Pola tarde defenderon e debatiron nunha auténtica Asemblea Parlamentaria os acordos aos que chegaron. Finalmente, foron seleccionados para a próxima fase autonómica os seguintes delegados, alumnos de 1º de Bacharelato: Aldara Buch, Pablo Domínguez Calatayud, Candela Bengoa, Raquel Soto, Pedro Vázquez, Blanca Noya, Carlos Arjona e Pedro Rodríguez Tomé.

A nosa en hora boa a todos polo esforzo realizado.