What a wonderful world

Que ben o pasamos as nenas e nenos de primeiro de primaria nas clases de música!

Os máis peques da primaria, estamos descubrindo diferentes estilos musicais. Ocorréusenos que sería unha boa idea unir a música coa pintura, ámbalas dúas, expresións artísticas que moven as nosas emocións.

Sempre andamos a falar de coidar do noso mundo, deste planeta marabilloso do que todos debemos desfrutar, así que foi un bo momento para coñecer a mítica balada de Louis Armstrong, ‘What a wonderful world‘, unha das cancións máis versionadas da historia da música.

Que mellor que recordar o máxico que é o noso mundo, dende os pequenos detalles como o ceo brillante azul, as nubes brancas, as rosas vermellas… ata o feliz encontro entre dous amigos ou un “I love you”.

O noso corredor do colexio luce estes días máis espléndido grazas ao magnífico traballo que fixemos, inspirados pola música.

Animádevos a escoitala!

Profesora Luisa López