Unha abraiante viaxe ás estrelas

As nenas e nenos de 1º e 2º de primaria tiveron a oportunidade de vivir unha marabillosa experiencia no salón de actos do colexio!

Aínda non puidemos esquecer o ben que o pasamos fai unhas semanas coa actividade de “Navegando polo universo” que tivo lugar no noso colexio.

Íñigo de la Quadra-Salcedo acompañou ao alumnado de 1º e 2º nunha viaxe polo espazo interestelar coa axuda dun planetario móbil que estaba instalado no noso teatro. Puideron ver o noso planeta dende o espazo, observar a Lúa e achegarse a outros planetas do Sistema Solar. Resultou moi impresionante a calidade da imaxe e o lograda que foi a sensación real que tiñamos de estar viaxando a través da nosa galaxia.

Canto aprendemos e que ganas de repetir temos!