Parlamento Xove

O equipo de 1ºBacharelato acada a fase final do Torneo de Debate Parlamento Xove na súa edición de 2025, tras clasificarse en terceira posición ao rematar a fase clasificatoria, na que participaron 20 equipos, que se celebrou os días 21 e 22 de marzo en O Carballiño (Ourense).

Parlamento Xove é un programa da Xunta de Galicia baseado nunha competición na que os diversos equipos inscritos investigan e debaten sobre un tema formulado pola organización. Na edición deste ano, o tema de debate da fase clasificatoria foi: “”Compénsalle a Europa apostar pola reindustrialización?”.

O obxectivo deste programa é potenciar as habilidades individuais e grupais (destacando o desenvolvemento da capacidade de selección de información, expresión oral, orixinalidade e a argumentación razoada) ao tempo que fomenta a lectura, a escritura, o emprego de novas tecnoloxías con fins informativos e culturais así como o respecto polas ideas dos demais.

Os estudantes Ainara Rodríguez Otero (argumentadora inicial), Simón Collantes Barros e Gael González Pego (refutadores) e Antía María Lois Gende (conclusora); coordinados polo profesor (José Feijoo) disputaron os seguintes enfrontamentos:

• CPR Plurilingüe La Salle – IES Arcebispo Xelmirez I (150 – 108)
• IES Cacheiras – CPR Plurilingüe La Salle (117 – 153,5)
• CPR Plurilingüe Peñarredonda – CPR Plurilingüe La Salle (141,5 – 151)

Aínda non hai tema, nin data, para a fase final polo que toca descansar, recuperar forzas e frescura co obxectivo de afrontar a fase final nas mellores condicións.