Encontro de formación de profesores novos en Bujedo

O curso vai tomando a súa recta final entre festas, avaliacións e excursións de final de trimestre. Un tempo, tamén, para pechar o curso e os programas de formación que os diferentes profesores de La Salle desenvolven como parte do seu itinerario profesional. Nesta ocasión, tocoulle a quenda aos profesores de formación inicial, que se congregaron en Bujedo os días 25 e 26 de maio para compartir e experimentar o sentido da misión compartida.

A dinámica de traballo, guiada por Noelia Redondo (delegada de formación), Iñaki Asegurado (delegado de educación) e os HH. Rafael Palomera e Francisco Mateo (delegado de pastoral e director da rede respectivamente), alternou diferentes espazos de obradoiro e seminario no que os profesores puideron afondar sobre o tema da comunidade cristiá, a comunidade educativa, a vocación docente, o código ético e a visión pedagóxica do presente e futuro.

Tamén houbo un tempo para compartir experiencias con outros sectores, nesta ocasión con Bilbao, a través dunha visita ao Mosteiro de Santa María da Estrela en San Asensio. Un encontro sinxelo e intenso á vez, que abre novos horizontes e novas perspectivas aos “sementadores de zume novo”