Despedida de Infantil

Nun abrir e pechar de ollos pasaron tres anos de compartir, de aprender e de querernos. E, así, case sen darnos conta, rematamos a Etapa de Infantil.

Entramos nas aulas por última vez para vestir a nosa nova camiseta de La Salle, coloreada cos nomes dos nosos amigos e saímos rumbo ao salón de actos. Alí, despedímonos con con maxia e cantando. Cantamos para entender o importante do vivido ao longo deste tempo e tamén para saber que imos continuar queréndonos todos (como di a canción da profe Cris).
Foi todo moi emocionante. Houbo bágoas, risas, apertas, agradecemento… e tamén chocolate con churros.

Agora comezamos as merecidas vacacións sabendo que, en setembro, nos esperan novas aventuras.

EQUIPO DE EDUCACIÓN INFANTIL