
Como gozamos cos proxectos!
O alumnado de 4º de primaria estivo a traballar no proxecto: “A grandeza do pequeno”.
Con este proxecto viviron lembranzas de cando eran máis cativos. Tiveron que recuperar fotos de cando eran máis pequenos e pequenas para expoñelas nun mural. Ademais, visitaron ás nenas e nenos de 1º de primaria para dialogar con eles e elas co obxectivo de lembrar aquelas situacións nas que precisaban máis axuda dos seus maiores e, así, comparar con todo o que agora son capaces de facer por eles e elas mesmas.
Que felicidade sentir como se fan maiores!





