Acto de fin de curso en Secundaria

O alumnado de Secundaria despediu o curso académico 2022-2023 no salón de actos do colexio. Foi un acto sinxelo no que recibiron o seu recoñecemento os compoñentes dos equipos de debate, que celebraron con todos os seus éxitos recentes nas finais das competicións; tamén recibiron os seus diplomas os participantes no Certame Investiga I+D+i, que conseguiron unha praza na final nacional que se celebra estes días.

Finalmente o Ir. Jesús Martín pechou o acto desexando un feliz verán e lembrándolles que aproveitasen o tempo para descansaren, para acompañaren a familia e que se preocupasen de botar unha man nas tarefas da casa.