O alumnado de 1.º de Bacharelato visita o Parlamento de Galicia

O pasado 8 de xuño, o alumnado de 1º de Bacharelato do Colexio  realizou unha visita ao Parlamento de Galicia, unha actividade organizada polo Departamento de Filosofía co obxectivo de achegar os estudantes ao funcionamento das institucións democráticas.

Durante a xornada, tiveron a oportunidade de coñecer de primeira man a sede da representación cidadá en Galicia e descubrir o papel que desempeña esta institución na vida política da comunidade autónoma. Así mesmo, puideron afondar en conceptos como a democracia, a participación cidadá e a representación política, contidos que forman parte da súa formación académica.

A visita constituíu unha enriquecedora experiencia educativa que permitiu ao alumnado relacionar os coñecementos adquiridos na aula coa realidade institucional, favorecendo unha comprensión máis próxima e práctica dos valores democráticos.