Día da Bata e do Pixama!

O pasado venres foi un día moi especial no colexio!

Despois de estar toda a semana reflexionando e facendo dinámicas de sensibilización con motivo dos dereitos das nenas e dos nenos, tocou pechar a semana co Día da Bata en primaria e do Pixama en infantil.

O alumnado de ambas etapas xuntouse no patio escolar á hora do recreo para realizar un emotivo acto. Tivemos a sorte de contar coa presenza da asociación ACOUGO (Asociación Galega de Familias de Acollida), e co director xeral de Familia, Infancia e Dinamización Demográfica.

Foi moi fermoso ver a tantos nenos e nenas, así coma ao profesorado, coas súas batas e pixamas dando grazas polos seus dereitos e mostrando o compromiso da importancia de que cumpran para todas as nenas e nenos do mundo.

Que orgullo sentimos ao ver a unión e o compromiso de todo o alumnado e profesorado!