Xogadores lasalianos

Estes días, a prensa deportiva está a dedicar moitas liñas a varios xogadores do Madrid por protagonizar unha noite inesquecible e, tras gañar ao Partizan, clasificarse para seguir loitando polo título da Euroliga. Dous dos xogadores máis encomiados teñen raíces lasalianas.

O Chacho, Sergio Rodríguez, aprendeu a xogar ao baloncesto en La Salle San Ildefonso, o colexio do seu pai. No seu non había equipo. Hoxe aínda ten relación a través dos diferentes campus que se organizan na illa.

Sergio Llull conta que supuxo para el estudar en La Salle Maó:
“Para min La Salle é ilusión. É amizade. É compromiso. É unha continua aprendizaxe de valores moi importantes como a solidariedade, o compañeirismo, o esforzo, o sacrificio, a humildade. Valores que deberiamos poñer en práctica durante toda a vida. Gardo un moi bo recordo do meu paso polo colexio. Fixen grandes amigos e gocei moito aprendendo e formándome como persoa. En La Salle é onde aprendín a xogar ao baloncesto, onde desenvolvín a miña paixón por este deporte que me levou a estar no lugar onde estou hoxe. Sempre estarei agradecido a todos os integrantes do colexio. La Salle é o presente e o futuro.”

Grazas aos dous polo voso traballo e polas vosas palabras. Seguimos traballando para que todos os nosos alumnos e alumnas sentan así a diario nos nosos centros.