Semana dos Dereitos da Infancia

Esta semana, o alumnado de La Salle está traballando sobre os dereitos dos nenos e das nenas.

Hai semanas que no noso colexio consideramos moi importantes, e esta é unha delas. Que o noso alumnado coñeza e afonde nos dereitos que teñen polo simple feito de ser nenos e nenas parécenos de máxima importancia. Na etapa de Educación primaria estamos a realizar reflexións cada mañá nas que tratamos diferentes temas. Ademais, a través de diversas dinámicas, o noso alumnado está a reflexionar e tomar conciencia da importancia dos seus dereitos. Tamén estanse sensibilizando e analizando como, por desgracia, a súa realidade non é a de todos os nenos e nenas.

Para axudar a que todas as persoas que pasan polo noso colexio se sensibilicen coa temática, o noso alumnado realizou uns fascinantes murais onde escribiron o que máis desexan para que todos os nenos e nenas do mundo poidan gozar dos mesmos dereitos.

Xuntos mellor!