Concerto testemuño de Rubén de Lis

Este martes pasado, 9 de novembro, os alumnos de 4.º de ESO, 1.º e 2.º de Bacharelato asistiron no salón de actos do colexio a un concerto que tamén foi testemuño de vida. Referímonos ao encontro co músico e compositor do himno do Encontro Europeo da Mocidade. Este evento reunirá entre 20.000 e 40.000 mozos e mozas en Santiago os primeiros días do mes de agosto de 2022.

O noso convidado, Rubén de Lis, é un coñecido guitarrista, multi-instrumentista e escritor musical. Recolleu, entre outros recoñecementos, o premio a un dos doce mellores guitarristas de España.

Ademais de gozar coa súa música e o seu dominio dos instrumentos, os alumnos conectaron pronto con Rubén, quen lles falou do seu potente testemuño de vida e de fe.