
O FASCINANTE MUNDO DA ROBÓTICA
No noso internivel de Maker estamos vivindo experiencias únicas e emocionantes todos os días a través das nosas actividades prácticas
Os nenos e nenas de infantil están aprendendo a programar, a utilizar as tecnoloxías da información e a explorar o fascinante mundo da robótica. Dende o primeiro día mostraron un gran entusiasmo á hora de interactuar con ferramentas dixitais coa axuda de aplicacións deseñadas para a súa idade que fomentan a súa creatividade e o seu pensamento lóxico. Ademais, a incorporación do noso robot supuxo diversión e desafío a partes iguais. Cando falamos do internivel maker non só falamos de tecnoloxía, tamén falamos dun gran traballo en equipo para resolver problemas e superar obstáculos, falamos de habilidades socioemocionais e, por suposto, os nenos e nenas aprenden a comunicarse e respectar as opinións dos demais.
Seguiremos compartindo máis aventuras e aprendizaxes xuntos!



