TEMPO DE COIDAR, TEMPO DE CREAR
Na escola La Salle somos coidados por outros, aprendemos a recoñecer necesidades e desde as nosas obras saímos ao mundo para coidar os uns dos outros e facer un mundo mellor para todos. Esta aprendizaxe facémolo en comunidade.
A ecoloxía integral lasaliana vívese no mundo da escola, entre os distintos axentes implicados e nas distintas accións que se levan a cabo na aula, no centro e na
contorna.
Alguns dos obxectivos que nos propoñemos dson:
OBXECTIVOS PARA O ALUMNADO
- Reflexionar sobre a importancia do coidado a nivel persoal, social e familiar.
- Concienciarse sobre o valor da Terra como “a casa común” que temos que coidar entre todos.
- Cultivar o interior para asumir a súa realidade, limitacións e coñecer tamén os dons. Así descubriremos que todas as persoas somos obra do Deus creador.
OBXECTIVOS PARA OS E AS EDUCADORAS E PAS
- Ser responsable dos demais e dun mesmo, atendendo o alumnado máis desfavorecido, sentíndonos irmáns maiores seus e deixando sempre espazo para o seu crecemento persoal.
- Concienciar e sensibilizar para que as nosas obras sexan modelo do coidado do medio ambiente e da biodiversidade favorecendo a sustentabilidade ecolóxica.
- Recoñecer o Deus da vida seguindo as ensinanzas do fundador nas que fala do coidado recibido polo bo Pai Deus.
OBXECTIVOS PARA AS FAMILIAS
- Ser partícipe dos valores do lema para favorecer o coidado mutuo e a creación das boas relacións persoais cos seus fillos e fillas e co persoal docente e non docente das obras lasalianas.
- Contribuír á concienciación dos seus fillos e fillas sobre o valor da Terra como “a casa común” que temos que coidar entre todos.
- Participar nas celebracións, eucaristías e momentos de reflexión e interioridade propostos polo centro.
OBXECTIVOS PARA AS COMUNIDADES LASALIANAS
- Abrir as comunidades lasalianas ao resto de educadores, alumnado e familias, creando un ambiente de encontro e convivencia que propicie a boa relación entre as persoas.
- Coidar a Terra como a nosa “casa común”, sendo conscientes de que a contorna que nos rodea é de todos.
- Participar como comunidade lasaliana nas celebracións propostas polo centro, creando así lazos non só na relación con Deus, senón co resto de persoas que forman parte da comunidade educativa.
