Os nosos participantes contarán cunha hora diaria de actividades en inglés dirixidas por unha monitora nativa, coa que contaremos durante todo o campamento, e a cal realizará as outras actividades a continuación descritas.

Haberá diversas piscinas desmontables adaptadas á idade dos participantes, os cales sempre estarán baixo supervisión dos monitores. Deste modo, se o tempo acompaña, os cativos gozarán diariamente dela..Ademais unha vez á semana gozaremos de inchables acuaticos.

Realizaremos saídas semanais a parques do entorno compostelán, e intentaremos realizar excursións a outros parques multiaventura, dos que informaremos máis adiante, unha vez confirmado.

Empregaremos as nosas instalacións para facer receitas de cociña nas que os nenos e nenas terán que desenvolver as súas capacidades culinarias usando as súas propias mans, convertíndose así en auténticos chefs.  

Os nenos e nenas enriqueceran os seus coñecementos científicos e investigativos  no laboratorio colexial a través da realización de experimentos, manualidades e da tecnoloxía.

Levaranse a cabo diferentes tipos de dinámicas dependendo da temática semanal. Centrarémonos en xincanas, búsquedas do tesouro, cancións animadas…