Xogos en inglés

O inglés estará presente ao longo da xornada a través de xogos e actividades lúdicas. Contamos con monitores nativos que acompañarán aos participantes no uso do idioma de forma natural, favorecendo a Spoken Interaction (interacción falada) e a confianza á hora de expresarse.

Piscinas, xogos de auga e inchables

Haberá diversas piscinas desmontables adaptadas á idade dos participantes, sempre baixo a supervisión dos monitores. Se o tempo o permite, poderán desfrutar delas a diario.

Ademais, unha vez á semana realizaranse actividades con inchables acuáticos, engadindo un extra de diversión á xornada.

Saídas e excursións

Realizaranse saídas semanais a espazos da contorna compostelá. Ademais, en función do número de participantes, organizarase unha excursión sorpresa ao remate da primeira quincena de xullo.

Talleres

Os participantes poderán escoller cada semana os talleres nos que queren participar, adaptados ás súas idades e intereses: manualidades, ciencia, teatro, baile, relaxación, malabares, globoflexia, cometas, títeres, pulseras, traballos con cordas, arcilla, mindfulness, entre outros.

Obradoiros de cociña

Empregaremos as nosas instalacións para facer receitas de cociña nas que os participantes terán que desenvolver as súas capacidades culinarias usando as súas propias mans, convertíndose así en auténticos chefs.

Xogos deportivos

A través da actividade física, desenvolveranse habilidades motrices, o traballo en equipo e a cooperación. Ademais, contaremos coa participación de especialistas e clubs deportivos ao longo das semanas.

Noite de sacos

Os participantes nados entre 2017 e 2012 poderán inscribirse de forma voluntaria nesta actividade especial, que se realizará o 1 e 22 de xullo, dende as 18:30 h ata o día seguinte.

Durante a velada realizaranse xogos e actividades nocturnas adaptadas á idade, ademais dunha cea temática e almorzo ao día seguinte, sempre acompañados polo equipo de monitores.