ESTAMOS EN FESTAS!

Son moitos os momentos importantes e especiais que atopamos ao longo do curso, pero esta semana resultou especialmente emocionante, porque estamos en festas!

Celebramos as festas na honra do noso fundador. Un momento para facer un percorrido pola historia, lembrar o labor de San Xoán Bautista de La Salle e traer ao presente aquelo que
nos mantén unidos ao longo de tantos anos.

Comezamos coas carreiras de infantil, bravo polo esforzo!! Bravo tamén para os nenos e nenas de 5 anos que abren o acto de inauguración co seu tradicional desfile. E entre palabras de agradecemento e celebración, música e cabezudos, DANSE POR INAUGURADAS AS FESTAS!

Sen relaxarse, chega a tarde de concursos, inchables, trouladas, xogos e, sobre todo, diversión. Unha tarde para compartir, para achegarnos e, si, para colaborar. Desde todo o equipo de infantil queremos agradecer a colaboración e doazóns para a tenda en favor do Proxecto Clima.

Rematamos celebrando xuntos, con obradoiros, con contacontos, pero sobre todo, recargados de ilusión e emoción por poder celebrar de novo e recuperar unha tradición tan especial para todos; para nenos e nenas, para as familias e para os profesores.

GRAZAS!