Clases virtuais · Obxectivo: DELF

A crise sanitaria provocada polo Coronavirus obrigounos a adaptarnos a un novo escenario de aprendizaxe dixital. Grazas ás videoconferencias, puiden seguir formando aos mozos e preparándoos para o exame oficial de lingua francesa ( DELF). Todos os xoves, reuniámonos para traballar as competencias básicas esixidas nestas probas: comprensión oral e escrita e expresión escrita. A través da plataforma Sallenet, os alumnos podían acceder a distintas probas de adestramento e despois expor preguntas, resolver dúbidas ou simplemente compartir os resultados. En canto á parte oral, establecemos un sistema de videoconferencias individuais para poder practicar. Sen dúbida, notei unha gran melloría nas súas destrezas orais.

En xuño presentaranse aos exames oficiais e espero que todo este traballo dea os seus froitos porque se esforzaron moito e para min, como profesora, foi un pracer poder acompañarlles nesta aprendizaxe.

Aquí déixovos a súa opinión respecto diso:

Persoalmente, creo que o feito de ter clases a distancia fixo que fósemos máis constantes no noso traballo. Ao non estar tan ocupados, puidemos centrarnos máis na preparación deste exame e tivemos todos os recursos á nosa disposición. Cada semana, temos a posibilidade de practicar todo tipo de probas, a través de videoconferencias grupais e individuais con Ana. Ademais, podemos elixir o horario que mellor se nos adapte, o cal nos beneficia á hora de organizarnos. Sen dúbida unha experiencia distinta á que lle soubemos sacar proveito.

Laura Tarrío 1ºBACH A

As clases e preparación do DELF cumpriron todas as miñas expectativas e máis. A pesar da complicada situación co coronavirus, as clases seguiron sendo moi proveitosas e a gran cantidade de sesións individualizadas para practicar os orais permitiron que o meu nivel de francés mellorase enormemente este curso. Non podo máis que agradecer ao colexio por ofrecernos esta oportunidade e á profesora Ana Roel pola súa dedicación, paciencia e gran traballo.

Carolina Pérez Dosil 1ºBACH B