Carreira Pedestre Popular de Santiago 2023

O domingo pasado parte do alumnado mais do profesorado do noso colexio participaron na edición número 44 da Carreira Pedestre Popular de Santiago.

Se algo temos claro no noso colexio é a importancia de manter unha rutina deportiva no noso día a día, e así intentamos transmitirllo ao noso alumnado. Ademais das clases de educación física, sempre tratamos de animar aos nenos e nenas a participar en actividades deportivas.

Desta vez tratouse da Carreira Pedestre Popular de Santiago. Sentímonos moi orgullosos e orgullosas xa que fomos o centro educativo que tivo o maior número de alumnado inscrito neste famoso evento deportivo. Ademais, podemos felicitar ás nenas e nenos que participaron xa que conseguiron gañar o premio do primeiro colexio clasificado.

Moitos parabéns para todas e todos por participar e por conseguir dito premio!